سنڌ حڪومت موٽر بائيڪس ۾ ٽريڪنگ ڊوائيس متعارف ڪرائڻ لاءِ سنجيده

سرڪاري پڌرائيءَ مطابق سڄي صوبي ۾ 95 سيڪڙو ڏوهن ۾ موٽر بائيڪس استعمال ٿين ٿيون. تازو ئي هوم منسٽر سهيل انور سيال موٽر سائيڪل تيار ڪرڻ وارن، چيف آف دا سٽيزنز- پوليس ليزان ڪميٽي ۽ هوم ۽ ايڪسائيز ٽيڪسيشن جي سينئر آفيشلز، ٽرانسپورٽ منسٽري سان هڪ ميٽنگ ڪئي. جنهن ۾ هن ٻڌايو ته سنڌ حڪومت انتهائي سنجيدگيءَ سان اسٽريٽ ڪرائيم کي روڪڻ لاءِ قانون سازي ڪري رهي آهي ته موٽرسائيڪلن جي مالڪن لاءِ هاڻي ضروري هوندو ته اهي ان ۾ ٽريڪنگ ڊوائيس انسٽال ڪن. ميٽنگ دوران ڪجهه آفيشلز جو چوڻ هو ته مسٽر سيال جيڪا قانون سازيءَ جي ڳالهه ڪئي آهي ان جو فيصلو ايپڪس ڪميٽيءَ جي ڏنل تجويز تي کنيو ويو آهي.