سنڌ اندر مون سون جي پهرين برسات زندگي مشڪل بڻائي ڇڏي

سومر واري رات 3 وڳي کان شروع ٿيل برسات 16 ڪلاڪن تائين وسندي رهي، جنهن سبب بجلي بند ٿيڻ ۽ رستن تي پاڻي جمع ٿيڻ سان زندگي مشڪل بڻجي وئي. موسميات کاتي پاران چيو ويو آهي ته 69 ملي ميٽر برسات پئي آهي. ڪراچي ۽ حيدرآباد ۾ برسات جي پهرين ڦڙي سان بجلي بند ٿي وئي جيڪا شام جو 5 وڳي کانپوءِ ڪجهه علائقن ۾ بحال ٿي سگهي. حڪومت پاران اڄ به تمام تعليمي ادارا بند رکڻ جو اعلان ڪيو ويو آهي. شهر جي مختلف علائقن ۾ پاڻي بيهڻ سبب رهواسين کي تمام گهڻي مشڪل پيش اچي رهي آهي. خبرن موجب سنڌ اندر برسات سبب 16 ڄڻا فوت ٿي چڪا آهن.