ڪراچي کي وفاق جي حوالي ڪرڻ جي تجويز جي خلاف سڄي سنڌ ۾ پيپلز پارٽي جو احتجاج

ڪراچي کي وفاق جي حوالي ڪرڻ جي تجويز جي خلاف سنڌ جي مختلف شهرن ۾ پيپلز پارٽي احتجاجي مظاهرا ڪيا ۽ ريليون ڪڍيون. پاڪستان پيپلز پارٽي جي ڪارڪنن خيرپور، دادو، جيڪب آباد، ميرپورخاص، ٽنڊو محمد خان ۽ سجاول سميت سنڌ جي ننڍن وڏن شهرن ۾ احتجاج ڪيو. پيپلز پارٽي جي ڪارڪنن ڪشمور هاءِ وي تي به ڌرڻو هنيو ۽ ٽريفڪ بلاڪ ڪري ڇڏي. اسلام آباد ۾ پريس ڪلب جي ٻاهران به عاجز ڌامراهه جي سربراهي ۾ پيپلز پارٽي طرفان احتجاج ڪيو ويو. احتجاج ۾ پيپلز پارٽي جي مقامي قيادت ۽ ڪارڪنن شرڪت ڪئي جڏهن ته عورت ڪارڪن جو وڏو تعداد به احتجاج ۾ شريڪ ٿيو. ان کانسواءِ ڪراچي، حيدرآباد، سانگهڙ، لاڙڪاڻو ۽ نوابشاهه ۾ به احتجاج مظاهرا ڪيا پيا وڃن. مظاهرين جو چوڻ آهي ته ڪراچي کي وفاق جي حوالي ڪرڻ جي سازش ڪامياب ٿيڻ نه ڏينداسين ۽ ارڙهين ترميم تي ڪوبه سمجهوتو نه ٿيندو.