پي آءِ اي جهاز حادثي جي جاچ رپورٽ اڄ وزيراعظم کي پيش ڪئي ويندي

ڪراچي ۾ پي آءِ اي جي جهاز کي پيش ايندڙ حادثي جي جاچ رپورٽ اڄ وزيراعظم عمران خان کي پيش ڪئي ويندي.

22 مئي تي ڪراچي ايندڙ قومي ايئر لائين جي اڏام 8303 جناح انٽرنيشنل ايئرپورٽ جي ويجهو آبادي مٿان ڪري تباهه ٿي وئي هئي جنهن سبب 97 ڄڻا فوت ٿي ويا. جڏهن ته 2 ڄڻا خوش قسمتي سان محفوظ رهيا. جنهن کانپوءِ وزيراعظم ۽ لاڳاپيل اختيارين طرفان حادثي جي هر پهلوکان جاچ ڪرڻ جو حڪم ڏنو ويو هو. وفاقي وزير غلام سرور خان چيو هو ته جهاز حادثي جي شفاف جاچ ڪئي ويندي ۽ جيڪو به ذميوار هوندو ان کي سامهون آندو ويندو. غلام سرور خان جهاز حادثي جي جاچ رپورٽ 22 جون تي پارليامينٽ ۾ پيش ڪرڻ جو اعلان به ڪيو هو.