پاڪستان ۾ مشرف دور جي قرض بابت به جاچ ٿيڻ گهرجي: پ پ

پ پ سنڌ جي صدر نثار کهڙي چيو آهي ته حڪومت ماضي ۾ ورتل قرض جي جاچ ڪرائڻ چاهي ٿي ته ان کي مشرف دور جي ورتل قرضن بابت به جاچ ڪرائڻ گهرجي. پنهنجي رهائش گاهه تي صحافين سان ڳالهائيندي هن چيو ته پي ٽي آءِ حڪومت 9 مهينن جي عرصي ۾ 29 ارب رپين جا قرض ورتا آهن. هن وڌيڪ چيو ته پي ٽي آءِ مبينا طور تي 3 ملين ڊالرن جي پرڏيهي امداد به حاصل ڪئي هئي جنهن بابت اليڪشن ڪميشن ۾ ڪيس به داخل ڪرايل آهي ان جي به جاچ ٿيڻ گهرجي. پي ٽي آءِ هن فنڊنگ بابت اليڪشن ڪميشن کان بينڪ ٽرانسفر جا تفصيل لڪائيندي رهي آهي. هن چيو ته هن معاملي بابت تازي جاچ ٿيڻ گهرجي. نثار کهڙي پنهنجي ڳالهه تي زور ڏيندي چيو ته جيڪڏهن گذريل 10 سالن جي حڪومت بابت جاچ ٿي سگهي ٿي ته پوءِ ان جاچ ۾ مشرف جو نالو ڇو نٿو ڏيئي سگهجي.