ٽرمپ جي بريفنگ دوران وائيٽ هائوس جي ٻاهران فائرنگ

آمريڪي صدر ڊونلڊ ٽرمپ طرفان بريفنگ دوران وائيٽ هائوس سيڪريٽريٽ جي حفاظت ڪندڙ هٿيار بندن طرفان فائرنگ ڪري هڪ مسلح شخص کي گولي هنئي وئي. صدر ٽرمپ کي بريفنگ دوران ان معاملي تي آگاهه ڪيو ويو، جنهن کانپوءِ هو بريفنگ ڇڏي هليو ويو. ڪجهه دير کانپوءِ صدر ٽرمپ پريس ڪانفرنس ۾ واپس آيو ۽ هن چيو ته هو ان زخمي شخص کي نٿو سڃاڻي ۽ نه ئي سندس مقصدن جي باري ۾ ڪو علم آهي. گرفتار شخص مسلح هو ۽ وائيٽ هائوس جي احاطي ۾ اهو واقعو پيش اچڻ سيڪيورٽي جي ناڪامي نه آهي. رپورٽن مطابق ان زخمي شخص کي اسپتال منتقل ڪيو ويو آهي.