ٻارن سان جنسي زيادتي ڪندڙ ٽيوشن پڙهائيندڙ ماستر خلاف هڪ ٻيو مقدمو داخل

خيرپور پوليس معصوم شاگردن سان جنسي ڏاڍائي ڪندڙ ماستر سارنگ شر جي خلاف هڪ ٻئي معصوم ٻار سان جنسي ڏاڍائي جو مقدمو داخل ڪري ڇڏيو. ملزم ماستر جنسي ڏاڍائي جي ٻن مقدمن ۾ 12 ڏينهن لاءِ جسماني رمانڊ ۾ پوليس جي تحويل ۾ آهي. ايس ايس پي خيرپور امير سعود مگسي جي مطابق ملزم سارنگ شر جي خلاف هڪ ٻئي معصوم شاگرد سان زيادتي جو مقدمو درج ڪيو ويو آهي. جنهن ۾ زيادتي سميت دهشتگردي ايڪٽ جون شقون به شامل ڪيون ويون آهن.