مشهور گلوڪاره صنم ماروي جي اڳوڻي مڙس حامد علي جا گرفتاري وارنٽ جاري

پاڪستان جي مشهور گلوڪاره صنم ماروي جي اڳوڻي مڙس حامد علي جي گرفتاري جا وارنٽ جاري ڪيا ويا آهن.  گارڊين ڪورٽ جي جج يعقوب علي گرفتاري جا وارنٽ جاري ڪيا. گرفتاري جا وارنٽ عدالتي حڪم نه مڃن تي جاري ڪيا ويا. تفصيل موجب گارڊين ڪورٽ ۾ گلوڪاره صنم ماروي جي ٻارن جي حوالي ڪرڻ بابت درخواست تي ٻڌڻي ٿي. گارڊين ڪورٽ جي جج يعقوب علي درخواست تي ٻڌڻي ڪئي. عدالت حامد علي کي ٻارن سميت عدالت طلب ڪيو هو. عدالت ايندڙ ٻڌڻي تي حامد علي کي گرفتار ڪري پيش ڪرڻ جو حڪم ڏنو. ياد رهي ته مشهور گلوڪاره صنم ماروي اڳوڻي مڙس کان ڪجهه وقت اڳ طلاق ورتي هئي.