شبلي فراز کي پنهنجي نوڪري سان وفا ڪرڻي آهي: مرتضيٰ وهاب

سنڌ حڪومت جي ترجمان مرتضيٰ وهاب چيو آهي ته ڪڻڪ جو هٿرادو بحران ڪيئن پيدا ٿيو؟ اسان تي الزام هڻندڙ پنهنجي ڪارڪردگي جو به جائزو وٺن. ڪراچي ۾ صحافين سان ڳالهائيندي مرتضيٰ وهاب چيو ته وفاق ۽ پنجاب حڪومت ڪڻڪ خريداري جو ٽارگيٽ پورو نه ڪري سگهيون، ان ۾ ڪنهن جي نااهلي آهي؟ جيڪڏهن ٽارگيٽ پورو ڪيو وڃي ها ته بحران نه ٿئي ها. هن چيو عمران خان وزيراعظم آهي ته ان جو مطلب پاڪستان محفوظ هٿن ۾ نه آهي، وفاقي حڪومت آبادگارن جي پريشانين کي سمجهندي ڪڻڪ جي بهتر قيمت مقرر ڪري. سندس چوڻ هو ته پي ڊي ايم جلسن ۾ عوام جي شرڪت واضح ڪيو آهي ته انهن کي عمران خان نه بلاول ڀٽو گهرجي، ماڻهو هاڻ غير جمهوري نظام مان تنگ اچي ويا آهن، شبلي فراز هن وقت ڏکائين ۾ آهي ۽ کيس پنهنجي نوڪري سان وفا ڪرڻي آهي.