انگلينڊ جي دوري لاءِ قومي ٽيم جون ڪورونا ٽيسٽ لاءِ مقرر تاريخون بدلايون ويون

انگلينڊ جي دوري لاءِ قومي ٽيم جي ڪورونا ٽيسٽ جون تاريخون تبديل ڪيون ويون آهن. پهريون مرحلو 20 جون جي بجاءِ 22 جون تي ٿيندو جڏهن ته ٻئي مرحلي جي تاريخ جو اعلان جلد ڪيو ويندو. قومي رانديگرن جي پهرين ڪورونا وائرس ٽيسٽ جي تاريخ 20 جون تي هئي. ذريعن موجب تاريخن ۾ تبديلي ڪئي وئي آهي. پهرين ٽيسٽنگ لاهور، ڪراچي، راولپنڊي ۽ پشاور ۾ 22 جون تي ٿيندي. ٻيون مرحلو 25 جون تي هو پر ٻئين ٽيسٽ انگلينڊ روانگي جي تاريخ سان مشروط آهي. ذريعن جو چوڻ آهي ته ٻئين مرحلي بابت انگلينڊ ڪرڪيٽ بورڊ سان رابطي کانپوءِ فيصلو ڪيو ويندو.