آچر تائين سڄي سنڌ ۾ ايڊمنسٽريٽرن جون مقرريون ڪيون وينديون: مڪاني حڪومت وارو وزير

سنڌ جي مڪاني حڪومت واري وزير ناصر حسين شاهه چيو آهي ته سڄي سنڌ ۾ ايڊمنسٽريٽرن جون مقرريون آچر تائين ڪيون وينديون. هڪ نجي ٽي وي چئنل سان ڳالهه ٻولهه ڪندي مڪاني ادارن واري وزير ناصر شاهه چيو ته مڪاني ادارن جا نمائندا 30 آگسٽ تائين پنهنجو ڪم جاري رکندا ۽ انهن جي مدي جو نوٽيفڪيشن آچر تائين جاري ڪيو ويندو. هن چيو ته آچر تائين سڄي سنڌ ۾ ايڊمنسٽريٽرز جون تقرريون ڪيون وينديون، هن اميد ڪئي ته مڪاني ادارن جا نمائندا مون سون جي دوران عوام جي خدمت ڪندا، تجويز ڏني وئي ته سرڪاري عملدارن کي عارضي طور تي منتظمين جي چارج ڏني وڃي. ناصر شاهه چيو ته ڪراچي ۾ ايڊمنسٽريٽر جي پوسٽ لاءِ نالن تي غور ڪيو پيو وڃي.