ٿرپارڪر ۾ اسڪول جي ڪمزور ڀت ڪرڻ سبب ٽي ٻار اجل ڪو شڪار

ٿرپارڪر جي تعلقي ننگر پارڪر جي ڳوٺ ڀورو ساند ۾ اسڪول جي ڪمزور ڀت ڪرڻ سبب ٽي معصوم ٻار پنهنجي قيمتي جان وڃائي ويٺا. جن ۾ ڇهن سالن جي امبرين، ڇهن سالن جي مقيمه ۽ سندن ڀاءُ چار سالا علي رضا شامل آهن. واقعو ان وقت پيش آيو جڏهن ٻار قرآن پڙهي واپس اچي رهيا هئا، وارثن جو چوڻ آهي ته تعليم کاتي جي آفيسرن کي ڪيترائي ڀيرا هن ڪمزور ڀت جي باري ۾ ٻڌايو ويو ۽ مسئلي تي توجهه ڏياري وئي، پر انهن جي غفلت سبب سندن ٽي ٻار پنهنجون قيمتي زندگيون وڃائي ويٺا. سندن درخواست آهي ته ذميدارن کي انصاف جي ڪٽهڙي هيٺ آندو وڃي.