ٽرانسپورٽ کولي آھي پر انتھائي ضرورت ۾ ئي سفر ڪريو، وزير اعظم

وزير اعظم عمران خان چيو آھي ته عوام جي ضرورت ۽ سھولت کي نظر ۾ رکندي حڪومت پبلڪ ٽرانسپورٽ کولڻ جو فيصلو پنھنجي جوڙيل ايس او پين سان ڪري رھي آھي. ڪالھ ٽوئيٽر پيغام ۾ وزير اعظم عوام تي زور ڏنو ته اھا باشعور شھري ھجڻ جو ثبوت ڏي ۽ پبلڪ ٽرانسپورٽ ۾ سفر ڪندي سموريون ضروري احتياطي تدبيرون اختيار ڪري. وزير اعظم ھڪ وڊيو به شيئر ڪئي آھي، جنھن ۾ پبلڪ ٽرانسپورٽ ھلائڻ لاءِ ايس او پين ۽ احتياطي تدبيرن بابت ٻڌايو ويو آھي. وڊيو ۾ ٻڌايو ويو آھي ته جيتوڻيڪ عوام جي سھولت لاءِ پبلڪ ٽرانسپورٽ کي کوليو پيو وڃي پر انتھائي ضرورت ۾ ئي سفر ڪريو. وڊيو ۾ ٽرانسپورٽرن ۽ مسافرن لاءِ ھدايتون به ڏنيون ويون آھن