لاڪ ڊائون نرم ڪجي يا سخت؟ قومي رابطا ڪاميٽي جو اجلاس طلب

قومي رابطا ڪاميٽي جو اجلاس اسد عمر جي صدارت ھيٺ آچر جي ڏينھن ٿيندو، جنھن ۾ چئني صوبن جا وڏا وزير ۽ آزاد ڪشمير جو وزير اعظم پڻ وڊيو لنڪ ذريعي شرڪت ڪندا. اجلاس ۾ ملڪ اندر ٻيھر لاڪ ڊائون وڌيڪ نرم يا سخت ڪرڻ، ڪھڙي شعبي کي ڪاروبار لاءِ وڌيڪ رعايت ڏني وڃي ۽ ايس او پين تي عمل ڪرائڻ بابت غور ڪيو ويندو. اجلاس ۾ سمورا صوبا پنھنجون سفارشون وفاقي حڪومت آڏو رکندا، جنھن کان پوءِ وزير اعظم عمران خان منظوري ڏيندو. ان کان اڳ 7 مئي تي ٿيل قومي رابطا ڪاميٽي جي اجلاس ۾ 9 مئي کان لاڪ ڊائون ۾ نرمي جو اعلان ڪيو ويو ھو.