سنڌ يونيورسٽي جي شاگردياڻين پاران استاد تي حراسان ڪرڻ جو الزام

سنڌ يونيورسٽي جي پلانٽ سائنس جي شاگردياڻين پاران پنهنجي استاد پروفيسر عبدالجبار پيرزادي تي جنسي حراسان ڪرڻ جو الزام هنيو آهي. جنهن بعد وائيس چانسلر فتح محمد برفت ٽن ميمبرن جي ڪميٽي تشڪيل ڏيئي ڇڏي آهي. شاگردياڻين جي شڪايت بعد ڊپارٽمينٽ جي ڊائريڪٽر رابعه ميمڻ 6 مئي تي تحريري درخواست وائيس چانسلر ڏانهن اماڻي ڇڏي هئي. سنڌ يونيورسٽي جي اختيارين مطابق ڪميٽي ايندڙ ٽن ڏينهن ۾ تحقيقات ڪري پنهنجي رپورٽ پيش ڪندي. خبرن موجب ٽن ميمبرن تي ٻڌل ڪميٽي فيڪلٽي آف لا جي ڊين ايڊووڪيٽ جهمٽ ڄيٺا نند کي مقرر ڪيو ويو آهي. جنهن کان علاوه سينڊيڪيٽ جو ميمبر جسٽس رٽائرڊ سائين ڏنو ميتلو ۽ اڳوڻو مهراڻ يونيورسٽي جو وائس چانسلر عبدالاحد ابڙو به شامل آهن.