سڄي صوبي ۾ گٽڪي ۽ مين پڙي جو وڪرو بند ڪرڻ جو اعلان جاري

سنڌ هاءِ ڪورٽ ڪالهه هڪ حڪم نامون جاري ڪندي سنڌ آءِ جي پوليس ۽ صوبي جي سڀني ايس ايس پيز کي چيو آهي ته صوبي اندر گٽڪي ۽ مين پڙي جي وڪري کي بند ڪرائين. ٻڌڻي دوران عدالت پاران چيو ويو ته پٽيشن داخل ڪرائيندڙن جو چوڻ آهي ته هي پابندي هجڻ باوجود گٽڪو ۽ مين پڙي پوليس جي اعليٰ عملدارن جي مدد سان وڪرو ڪيون پيون وڃن جيڪا هڪ خطرناڪ صورتحال آهي. ٻڌڻي کي ختم ڪندي عدالت آءِ جي پوليس لاءِ هدايت جاري ڪندي چيو ته ايندڙ ٻڌڻي تائين هن معاملي جي رپورٽ تيار ڪئي وڃي. ٻي صورت ۾ هن کي روبرو عدالت ۾ پيش ٿيڻو پوندو.