سنڌ حڪومت پاران بجلي پهچائڻ لاءِ پنهنجي ڪمپني ٺاهڻ جو اعلان

سنڌ حڪومت بجلي جي پهچائڻ لاءِ پنهنجي ڪمپني ٺاهڻ جو اعلان ڪرڻ بعد ڪمپني قائم ڪرڻ لاءِ نيپرا سان رابطو ڪري ورتو آهي. هن ڪمپنيءَ جونالو سنڌ ٽرانسميشن اينڊ ڊسپيچ ڪمپني رکيو ويندو. سنڌ حڪومت مطابق ڪيٽي بندر، گهارو ۽ جهمپير ڪوريڊور۾ 50 هزار ميگا واٽ بجلي پيدا ڪرڻ جي صلاحيت موجود آهي. جڏهن ته بجلي جي پهچائڻ واري نظام ۾ خرابين سبب ان ڪاريڊور مان فائدو حاصل نه پيو ڪيو وڃي. سنڌ حڪومت چيو آهي ته ڪمپني قائم ڪرڻ کانپوءِ ڪاريڊور ۾ ٽرانسميشن نيٽ ورڪ قائم  ڪيو ويندو. جنهن لاءِ سنڌ حڪومت فزيبلٽي اسٽڊي، بزنس ماڊل ۽ گرڊ اسٽيشن لاءِ رقم رکي ڇڏي آهي. صوبائي ڪمپني ونڊ ڪاريڊور مان 132 ڪي وي ۽ 220 ڪي وي جون گرڊ اسٽيشنون قائم ڪندي.