سنڌ حڪومت پاران اومني گروپ کي نوازڻ جو هڪ نئون ڪيس سامهون اچي ويو

سنڌ حڪومت خلاف هڪ نئون ڪيس سامهون آيو آهي جنهن ۾ چيو ويو آهي ته سنڌ حڪومت ٽنڊو محمد خان ۾ مزدورن لاءِ ٺهندڙ 256 فليٽن واري اسڪيم پنهنجي من پسند ٺيڪيدار کي ڏيئي ڇڏي آهي. ليبر سٽي نالي ان اسڪيم لاءِ زمين اومني گروپ کان بنجر ۽ ناڪاره زمين خريد ڪئي وئي آهي. اها اسڪيم شهر جي اندر ٺهڻي هئي پر ان کي شهر کان 25 ڪلو ميٽر پري انور مجيد جي انصاري شگر مل جي زمين تي ٺاهي پئي وڃي.