نواز شريف کان وڌيڪ طبيعت خراب زرداري جي آهي پر هو گوڙ نه ڪندو آهي: شيخ رشيد

ريلوي واري وفاقي وزير شيخ رشيد ڪالهه لاهور ۾ پريس ڪانفرنس ڪندي چيو آهي ته نواز شريف کان وڌيڪ طبيعت خراب ته آصف زرداري جي آهي پر هو شريف خاندان وانگر گوڙ نه ڪندو آهي. هن وڌيڪ چيو ته مان وزيراعظم کي چيو هو ته نواز شريف کي ٻاهر وڃڻ ڏيو، پر هن چيو ته ڪورٽ جو فيصلو مڃينداسين. ٻئي طرف خبرن موجب آصف علي زرداري جي رت ۾ به اڇن جزن جو تعداد گهٽجي ويو آهي ۽ شگر ليول ۾ به اضافو ٿي ويو اٿس، جنهن سبب چئن ڊاڪٽرن جي ميڊيڪل بورڊ، اڳوڻي صدر کي آرام ڪرڻ جو مشورو ڏنو آهي. کيس انسولين ڏني پئي وڃي ۽ هن وقت هو پمز اسپتال جي دل جي دوري واري وارڊ ۾ داخل آهي. ٽن ڏينهن کان پمز اسپتال کي سب جيل جو درجو قرار ڏنو ويو آهي.