پاڪستان ۾ ڏهن سالن کان پوءِ ٽيسٽ ڪرڪيٽ بحال، سريلنڪا جي بيٽنگ جاري

سريلنڪا جي پهرين ٽيسٽ ميچ ۾ پاڪستان جي خلاف بيٽنگ جاري آهي. پاڪستان ۽ سريلنڪا جي وچ ۾ ٻه ٽيسٽ ميچن جي سيريز جو پهريون ميچ اڄ راولپنڊي ڪرڪيٽ اسٽيڊيم ۾ کيڏيو پيو وڃي، جنهن سان گڏ ئي پاڪستان ۾ ڏهن سالن کانپوءِ ٽيسٽ ڪرڪيٽ بحال ٿي وئي آهي ۽ راولپنڊي جا سڃا ميدان پندرهن سالن کانپوءِ وري آباد ٿي ويا آهن. سريلنڪا پاڪستان جي خلاف ٽاس کٽي بيٽنگ جو فيصلو ڪيو ۽ بيٽنگ جاري آهي. ان تاريخي موقعي تي پي سي بي رانديگرن جي لاءِ يادگاري ڪيپس ورهايون جڏهن ته سيڪيورٽي جا سخت انتظام ٿيل آهن. سيريز جو ٻيو ٽيسٽ ميچ 19 کان 23 ڊسمبر تائين ڪراچي ۾ ٿيندو.