شهباز شريف جي جاءِ تي رانا تنوير پي اي سي جو چيئرمين نامزد

مسلم ليگ ن قومي اسيمبلي ۾ اپوزيشن ليڊر ۽ مسلم ليگ ن جي صدر شهباز شريف جي جاءِ تي اڳوڻي وفاقي وزير رانا تنوير کي پبلڪ اڪائونٽس ڪميٽي جو چيئرمين نامزد ڪري ڇڏيو آهي ۽ ان حوالي سان اسپيڪر قومي اسيمبلي اسد قيصر کي به آگاهه ڪيو ويو آهي. ياد رهي ته شهباز شريف هن وقت علاج لاءِ لنڊن ۾ موجود آهي. جنهن سبب پبلڪ اڪائونٽس ڪميٽي جا اجلاس نه ٿي رهيا آهن. ان سبب ئي رانا تنوير کي پبلڪ اڪائونٽس ڪميٽي جو چيئرمين بنائڻ جو فيصلو ڪيو ويو آهي.