ڪراچي سرڪيولر ريلوي جي بحالي لاءِ حد دخليون ختم ڪرڻ وارو آپريشن شروع

ڪراچي سرڪيولر ريلوي جي بحالي خاطر حد دخلين کي هٽائڻ جو آپريشن شروع ڪيو ويو آهي. سپريم ڪورٽ آف پاڪستان جي حڪم تي شروع ڪيل هن آپريشن جي پهرين ڏينهن 13 هزار 3 سئو 19 وال زمين کي صاف ڪرايو ويو آهي. ڊويزنل سپرنٽينڊنٽ ريلوي ڪراچي سيد مظهر علي شاهه مطابق اربع ڏينهن پهريون آپريشن گلشن اقبال ۽ اردو ڪاليج جي علائقن ۾ ڪيو ويو. هنن علائقن مان تقريبن ٽي سئو جهوپڙيون ۽ پڪا گهر ڪيرائي قبضو ختم ڪرايو ويو.