پاڪستان دهشتگردن خلاف ڪارروائي ڪرڻ جو واعدو ڪيو آهي: آمريڪا

آمريڪا جي قومي سلامتي جي صلاحڪار جان بولٽن چيو آهي ته پاڪستان جي پرڏيهي وزير شاهه محمود قريشي کيس يقين ڏياريو آهي ته پاڪستان دهشتگردن خلاف ڪارروايون ڪندو. جان بولٽن چيو ته ٻنهي اڳواڻن جي فون تي ڳالهه ٻولهه ٿي چڪي آهي جنهن ۾ خطي جي صورتحال ۽ پاڪ ڀارت ڇڪتاڻ کانپوءِ جي صورتحال بابت ڳالهايو ويو. جنهن بعد جان بولٽن ٽوئيٽ ذريعي هڪ بيان ۾ چيو آهي ته پاڪستان طرفان جيش محمد سميت ٻين دهشتگرد تنظيمن خلاف کنيل قدمن کي ساراهيون ٿا ۽ پاڪستان ڀارت سان ڇڪتاڻ کي گهٽائڻ لاءِ ڪوششون جاري رکي.