500 سياستدانن کي جيل موڪلڻ وارو بيان عمران خان جي آمرانا سوچ جو عڪس آهي: نثار کهڙو

پيپلز پارٽي سنڌ جي صدر نثار کهڙو چيو آهي ته عمران خان چين جي دوري دوران پنهنجي خيالن جو اظهار ڪندي چيو ته مان چاهيان ٿو ته 500 سياستدانن کي جيل موڪلي ڇڏيان اهڙي بيان سان عمران خان جي آمرانا ذهنيت ظاهر ٿئي ٿي. هن وڌيڪ چيو ته عمران خان آمرن سان زندگي گذاري اهي ان ڪري هن جي ذهنيت به آمرن جهڙي آهي. هو پنهنجي ڌرڻي واري تقريرن ۾ به ايمپائر جي آڱر جي اشاري جي ڳالهه ڪندو رهندو آيو آهي.