گرفتار ٿيڻ باوجود به مراد علي شاهه ئي وڏو وزير رهندو: نثار کهڙو

پيپلز پارٽي سنڌ جي صدر نثار کهڙو چيو آهي ته گرفتاري باوجود مراد علي شاهه صوبي جو وڏو وزير رهندو. لاڙڪاڻي جي پريس ڪلب ۾ ڳالهائيندي هن چيو ته هن وقت ان باري ۾ ڳالهائڻ مناسب نه آهي، پر ان قسم جي واقعن کي هوا ڏيئي ملڪ اندر پريشاني پکيڙي پئي وڃي. نيب پاران نوٽيس ته ٻين اڳوڻن کي به ملي چڪا آهن، پر لڳي ايئن رهيو آهي ته مرڪز جي ليڊرن کي رعايت ڏني پئي وڃي ۽ سنڌ جا اڳواڻ ئي نشاني تي آهن. هڪ سوال جي جواب ۾ نثار کهڙو چيو ته متحده ۽ پي ٽي آءِ هٿ ان لاءِ ملايا آهن ته جيئن اهي سنڌ کي ورهائي سگهن.