سڄي ملڪ ۾ ملڪي ۽ غير ملڪي اين جي اوز جو سيڪيورٽي آڊٽ شروع

خبرن موجب ملڪ اندر ملڪي ۽ غير ملڪي اين جي اوز جو سيڪيورٽي آڊٽ شروع ڪيو ويو آهي. هي عمل نيشنل ايڪشن پلان تحت ڪيو پيو وڃي. جنهن ۾ اين جي اوز جي گذريل سالن ۾ ٿيڻ وارين سرگرمين جو رڪارڊ چيڪ ڪيو ويندو. جنهن کان علاوه معلوم ڪيو ويندو ته ملڪ اندر ڪم ڪندڙ اين جي اوز ڪهڙن ملڪن جي مدد سان پنهنجون سرگرميون ڪيون ۽ انهن جي ڪم ڪارين جا ڪهڙا نتيجا نڪتا. جنهن کان علاوه اهڙيون اين جي اوز گذريل ٽن سالن اندر ڪهڙن ماڻهن کي پاڪستان ۾ آندو ۽ ڪهڙن ماڻهن کي پاڪستان مان ٻاهر موڪليو. هن باري ۾ قانون نافذ ڪندڙ ادارن تحقيقات پڻ شروع ڪري ڏني آهي. خبرن موجب چيو ويو آهي ته مشڪوڪ سرگرمين ۾ ملوث اين جي اوز ۾ ڪم ڪرڻ وارن خلاف ڪارروائي عمل ۾ آندي ويندي.