اڳوڻو وزير اعظم نواز شريف نيو ڪوٽ لکپت جيل منتقل

ضمانت جو مدو پورو ٿيڻ بعد نواز شريف کي ڪوٽ لک پت جيل منتقل ڪيو ويو. جيل منتقلي کان پهرين نواز شريف چيو ته قوم جي دعائن سان ڪاري ڪوٺڙي مان نجات ملندي ۽ ظلم جون ڪاريون راتيون ختم ٿي وينديون. پنهنجي رهائش گاهه کان جيل تائين جي سفر ۾ مريم نواز ۽ حمزه شهباز نواز شريف سان گڏ موجود هئا. جڏهن ته حمزه شهباز گاڏي هلائي رهيو هو. هن موقعي تي ن ليگ جي ڪارڪنن جو هڪ وڏو انگ جيل جي رستي تي رهيو. نواز شريف پنهنجي پراڻي بيرڪ ۾ ئي رهندو جتي هن کي ساڳيون سهولتون ملنديون ۽ ڊاڪٽر به هن جو طبي معائنو ڪندا رهندا.