نواز شريف جي حالت خراب سروسز اسپتال منتقل

اڳوڻي وزيراعظم نواز شريف کي طبيعت خراب ٿيڻ تي جيل مان سروسز اسپتال منتقل ڪيو ويو آهي. نواز شريف جي ذاتي ڊاڪٽر عدنان پاران چيو ويو آهي ته نواز شريف جي رت ۾ پليٽي ليٽس جي گهٽتائي ٿي وئي آهي جنهن سبب هن جي زندگيءَ کي خطرناڪ حد تائين خطرو آهي. جڏهن ته اسپتال پهچائڻ بعد نواز شريف جي رت جو سي بي سي ٽيسٽ ڪيو ويو جيڪو ٺيڪ آيو ۽ ڊاڪٽرن ٻڌايو ته نواز شريف کي ڊينگي نه ٿيو آهي، في الحال هو اسپتال ۾ رهندو ۽ هن جا وڌيڪ ٽيسٽ بعد ۾ ڪيا ويندا.