نواز شريف، مريم نواز ۽ ڪئپٽن صفدر تي فرد جرم لاڳو

اڳوڻي وزير اعظم تي احتساب عدالت ۾ هلندڙ ٻن ڪيسن ۾ فرد جرم عائد ڪيو ويو آهي. نواز شريف تي هلندڙ ڪيسن ۾ سندس لنڊن ۾ فليٽ ۽ العزيزيه اسٽيل ملز جي ملڪيت ۽ اثاثا ظاهر ڪرڻ ۾ ناڪامي ٿيڻ تي فرد جرم لاڳو ڪيو ويو. جنهن کانپوءِ مريم نواز تي ڪوڙي ٽرسٽ ڊيڊ ٺاهڻ جو به الزام آهي. فيصلي مهل نواز شريف لنڊن ۾ موجود هو جتان هن بيان ڏنو ته ڇهن مهينن ۾ ٽي ريفرينسز اڪلائڻ جا حڪم ڏنا ويا. مانيٽرنگ جج خاص طور تي مقرر ڪيو ويو. هن وڌيڪ چيو ته شفاف ٽرائل هن جو حق آهي. مريم ۽ سندس ور ڪئپٽن صفدر فيصلي وقت عدالت ۾ موجود رهيا ۽ انهن به فيصلي ۾ ٻڌايل الزامن کان انڪار ڪيو. فيصلي اچڻ کانپوءِ نواز شريف ڏيهه واپس اچڻ جو اعلان ڪيو ۽ چيو ته هاڻي هو پاڻ عدالتن کي منهن ڏيندو.