مهاتير محمد پاڪستان جي وزيراعظم جي هائوس پهچي ويو

ملائيشيا جي وزيراعظم مهاتير محمد جي پاڪستان آمد، هو وزيراعظم هائوس پهچي ويو. وزيراعظم هائوس ۾ سندس وزيراعظم عمران خان استقبال ڪيو جتي هن کي گارڊ آف آنر پيش ڪيو ويو. خبرن موجب مهاتير محمد پاڪستان ۾ هڪ ڪانفرنس ۾ به شرڪت ڪندو جنهن ۾ پاڪستان ۽ ملائيشيا جون ڪمپنيون مختلف ايم او يوز تي صحيحون ڪنديون، جنهن ۾ آءِ ٽي، ٽيليڪام، پاور جنريشن، ٽيڪسٽائل، زراعت ۽ حلال فوڊ انڊسٽريز ۾ ملائيشيا جي ڪمپنين پاران 900 ملين ڊالر جي سيڙپڪاري ڪرڻ جا امڪان ظاهر ڪيا ويا آهن. خبرن موجب انهن ڪمپنين جا ترجمان مهاتير محمد سان گڏ پاڪستان آيا آهن.