تفريحي مقامن جي گهٽجڻ سان عوام تي نفسياتي اثر پيدا ٿين ٿا: سماجي ڪارڪن

ڪراچي جي هڪ مقامي اين جي او پاران ڪوٺايل سيمينار سان خطاب ڪندي سماجي ڪارڪنن چيو ته شهرن اندر تفريحي جاين جي گهٽتائي سبب عوام ۾ نفسياتي مونجهارا پيدا ٿي رهيا آهن، جنهن سان غريب عوام ۾ دٻاءُ وڌي رهيو آهي ۽ ان جي نتيجي ۾ ڏوهن ۾ اضافو ٿي رهيو آهي. هنن وڌيڪ چيو ته شهرن اندر اهڙين تفريحي جاين جي ڪري شهرين کي سڪون حاصل ڪرڻ جو موقعو ميسر ٿئي ٿو.