مبينا ٽيڪس چوري ۾ ملوث شگر ملن خلاف جاچ جو فيصلو.

ايف بي آر مبينا ٽيڪس چوري ۾ ملوث وڏين شگر ملن خلاف جاچ جو فيصلو ڪيو آھي. ان ڏس ۾ فيڊرل بورڊ آف روينيو جي بي نامي ڊپارٽمينٽ آف شگر ملز طرفان سيلز ٽيڪس چوري جي غرض سان ڪيل بي نامي ٽرانزيڪشنن جو پتو لڳائي جاچ ڪئي ويندي. ايف بي آر بي نامي زون جي روڪٿام بي نامي ٽرانزيڪشنن جا ثبوت گڏ ڪري جاچ رپورٽن جي بنياد تي ذميوار عنصرن جو تعين ڪندو، ذميوار عنصرن خلاف ايڊجوڊيڪٽنگ اٿارٽي وٽ ريفرنس داخل ڪيا ويندا ۽ گذريل 5 سالن جي آڊٽ ڪئي ويندي. شگر ملز انڪوائري ڪميشن جي سلسلي ۾ جاچ ڪئي ويندي.