عمران خان جو چين جو دورو، ايئرپورٽ پهچڻ تي ميونسپل ڪاميٽي جي ڊپٽي سيڪريٽري پاران استقبال ڪيو ويو

وزير اعظم عمران خان چين جي 4 ڏينهن جي دوري تي چين جي گادي واري هنڌ بيجنگ پهچي ويو آهي. جتي سندس استقبال بيجنگ جي ميونسپل ڪاميٽي جي ڊپٽي سيڪريٽري لي لائفنگ ۽ پاڪستان جي چين ۾ مقرر سفير ڪيو. وزير اعظم سان هن دوري دوران شيخ رشيد احمد، فيصل واوڊا، عبدالحفيظ شيخ، عبدالرزاق دائود ۽ ڊاڪٽرعطاء الرحمٰن  به موجود هيا. هن دوري دوران وزير اعظم عمران خان بيلٽ اينڊ روڊ فورم جي سالياني تقريب ۾ خطاب ڪندو. جنهن بعد شيڊول مطابق وزيراعظم 38 ملڪن جي اڳواڻن سان رائونڊ ٽيبل ڪانفرنس ۾ به شرڪت ڪندو.