انساني جسم اندر سفر ڪندڙ روبوٽ تيار

آمريڪا جي ڊارٽ مائوٿ ڪاليج ۽ هانگ ڪانگ يونيورسٽي پاران هڪ ٿري ڊي روبوٽ تيار ڪيو ويو آهي جنهن جي سائيز ايتري ننڍي آهي جو اهو انسان جي جسم اندر تري سگهي ٿو. هن روبوٽ جو مقصد دوا کي انسان جي جسم اندر خاص جڳهه تائين پهچائڻ آهي. هن روبوٽ تي ٿيندڙ تجربي دوران هڪ ڪينسر جي مريض جي جسم اندر ڪينسر جي ڳوڙهي تائين پهچايو ويو ۽ ان تائين دوا پهچائي وئي. هن روبوٽ کي ٺاهيندڙ ماهرن جو چوڻ آهي ته هن روبوٽ جي مدد سان ميڊيڪل جي دنيا ۾ انقلاب اچي ويندو. ڇاڪاڻ ته هن روبوٽ جي مدد سان دوائن جو بهتر استعمال ٿي سگهندو.