وفاق پنهنجا خرچ گهٽ ڪري اضافي رقم صوبن کي ڏي: بلاول ڀٽو زرداري

پيپلز پارٽي جي چيئرمين بلاول ڀٽو زرداري چيو آهي ته اين ايف سي جي مد ۾ سنڌ جي حصي ۾ ڪابه ڪٽوتي نه ٿيڻ ڏينداسين. وفاقي حڪومت آءِ ايم ايف، ورلڊ بينڪ، جي-20 ملڪن سميت مختلف مالياتي ادارن کان ملڻ واري رليف جو فائدو به صوبن کي ڏي. وفاق صوبن جي فنڊن ۾ ڪٽوتي جي بجاءِ پنهنجا خرچ گهٽ ڪري، اضافي رقم صوبن کي منتقل ڪري. اها ڳالهه هن پيپلز پارٽي جي معاشي ڪميٽي جي وڊيو لنڪ اجلاس سان خطاب ڪندي ڪئي. اجلاس ۾ ميان رضا رباني، نويد قمر، شازيه مري، چوڌري منظور ۽ ٻيا شريڪ هئا. پيپلز پارٽي وفاقي حڪومت جي معاشي رليف پئڪيج کي ناڪافي قرار ڏيندي بيروزگارن لاءِ رقم 12 هزار کان وڌائي گهٽ ۾ گهٽ 17 هزار 5 سئو رپيا ڪرڻ جو مطالبو ڪيو آهي