ايف اي ٽي ايف پاڪستان جي رپورٽ منظور ڪري ورتي

پاڪستان ۽ ايف اي ٽي ايف جي مني لانڊرنگ واري ايشيا پيسيفڪ گروپ وچ ۾ ڳالهيون اهم مرحلي ۾ داخل ٿي ويون آهن. ايف اي ٽي ايف نئين اويليوئيشن رپورٽ جي منظوري ڏئي ڇڏي آهي. جڏهن ته مني لانڊرنگ ۽ دهشتگردن جي مالي امداد روڪڻ واري معاملن جي حوالي سان پاڪستان اڃان ڪجهه عرصو گري لسٽ ۾ شامل رهندو. آڪٽوبر ۾ ايف اي ٽي ايف پاڪستان کي گري لسٽ مان نڪرڻ لاءِ هڪ نئون ايڪشن پلان ڏيندو. پاڪستان ۽ ايف اي ٽي ايف وچ ۾ ڳالهين جو دور آسٽريليا ۾ ٿي رهيو آهي جتي پاڪستان پاران ڏنل رپورٽ کي منظور ڪيو ويو آهي. جڏهن ته پاڪستان کي ايف اي ٽي ايف جي گري لسٽ مان نڪرڻ لاءِ 150 نقطن واري ايڪشن پلان تي عمل ڪرڻو پوندو.