ڪسٽمز جي ڪارروائي، 78 ميٽرڪ ٽن اسمگل ٿيل سوپاري ضبط ڪري ڇڏي

ڪراچي ڊائريڪٽوريٽ ڪسٽمز انٽيليجنس سمال ٽريڊنگ اينڊ انڊسٽريل اسٽيٽ جي گودام تي هڪ ڪامياب ڪارروائي ڪندي گودام مان اسمگل ٿيل ۽ مضر صحت 78.8 ميٽرڪ ٽن سوپاري برآمد ڪئي. ڊائريڪٽوريٽ ڪسٽمز انٽيليجنس اينڊ انويسٽيگيشن ڪراچي جي ڊائريڪٽر عرفان جاويد ٻڌايو ته اسمگلرن جو منظم ٽولو مضر صحت ۽ اسمگلڊ سوپاري ڄاڻايل گودام کان ڪراچي ۾ سپلاءِ ڪندو آهي. هن چيو ته ملڻ واري سوپاري جي ماليت 15 ڪروڙ 76 لک 50 هزار رپيا آهي. گودام ۾ سوپاري سان گڏ سوپاري ڪٽڻ جون مشينون به نصب هيون.