پنجاب کي ٻن صوبن ۾ ورهائڻ لاءِ بل پنجاب اسيمبليءَ ۾ پيش

پاڪستان جي وڏي صوبي پنجاب کي ٻن حصن ۾ ورهائڻ جو معاملو هڪ دفعو ٻيهر اسيمبليءَ ۾ کنيو ويو آهي.  هن دفعي هي معاملو مسلم ليگ ن جي ميمبرن رانا ثناءُ الله، احسن اقبال، رانا تنوير ۽ نجيب الدين پاران کنيو ويو آهي. قومي اسيمبليءَ  ۾ پيش ڪيل بل قومي اسيمبلي جي قانون واري قائمه ڪميٽي کي موڪليو ويو آهي. بل ۾ چيو ويو آهي ته پنجاب صوبي کي ورهائي اتر پنجاب ۽ بهاولپور جا ٻه صوبا ٺاهيا وڃن. هن موقعي تي رانا ثناءُ الله چيو ته هن معاملي تي پيپلز پارٽي به اسان جو ساٿ ڏيندي.  تحريڪ انصاف جي اڳواڻ ملڪ عامر ڊوگر جو چوڻ آهي ته مسلم ليگ ن صوبا ٺاهڻ نه ٿي چاهي اها صرف سازش ڪرڻ چاهي ٿي. ياد رهي ته 2012 ۾ پيپلز پارٽي بهاولپور ۽ اتر پنجاب نالي سان ٻن صوبن وارو بل سينيٽ ۾ اڪثريت سان پاس ڪرائي چڪي آهي.