آمريڪي ڪانگريس صدر ٽرمپ پاران هنيل ايمرجنسي کي مسترد ڪري ڇڏيو

آمريڪا جي صدر ٽرمپ پاران ملڪ ۾ نافذ ڪيل ايمرجنسي کي ڪانگريس پاران مسترد ڪيو ويو آهي. خبرن موجب آمريڪي سينيٽ ۾ ايمرجنسي خلاف 59 ۽ حق ۾ 41 ووٽ وڌا ويا. جڏهن ته حڪمران ريپبليڪن جماعت جي 12 ميمبرن پاران به ايمرجنسي خلاف ووٽ داخل ڪيا ويا آهن. آمريڪا جي سينيٽر چڪ شومر (Chuck Schumer) چيو آهي ته آمريڪا ۾ نيشنل ايمرجنسي پهريون دفعو سرڪاري طور تي مسترد ڪئي وئي آهي. ٻئي طرف وائٽ هائوس پاران جاري ڪيل هڪ بيان ۾ چيو ويو آهي ته صدر ٽرمپ ڪانگريس جو پاس ڪيل بل ويٽو ڪري ڇڏيو. واضح رهي ته صدر ڊونلڊ ٽرمپ ميڪسيڪو جي سرحد تي ديوار لڳائڻ لاءِ فنڊن حاصل ڪرڻ لاءِ ايمرجنسي نافذ ڪئي هئي.