افغان صدر اشرف غني ٻن ڏينهن جي دوري تي پاڪستان پهچي ويو

افغان صدر اشرف غني پاڪستان جي ٻن ڏينهن جي دوري تي اسلام آباد پهچي ويو، ايئرپورٽ تي پاڪستان جي تجارت واري صلاحڪار عبدالرزاق دائود پاران سندس آجيان ڪئي وئي. افغان صدر سان گڏ سندس افغان سفير عاطف مشعال ۽ افغان پرڏيهي وزارت جا اعليٰ عملدار به موجود هئا. افغان ميڊيا جي مطابق افغان صدر اشرف غني عمران خان جي دعوت تي پاڪستان جي دوري تي آيو آهي. افغان صدر اڄ وزيراعظم ۽ صدر سان ملاقات ڪندو. خبرن مطابق افغان صدر وزيراعظم سان چئن معاملن تي ڳالهيون ڪندو جنهن ۾ طالبان کان تحفظ، امن امان ۽ تجارتي تعلقات ۽ سيڙپڪاري به اهم موضوع هوندا.