سنڌ ۾ هڪ فوت، هڪ گهر جي ستن ڀاتين سميت 92 نوان ڪيس، وڏي وزير کي ڳڻتي

سنڌ ۾ ڪورونا جا وڌيڪ 92 ڪيس ظاهر ٿيا ويا، صوبي ۾ مريضن جو ڪل انگ 1128 ٿي ويو، هڪ مريض فوت ٿيو آهي، فوتين جو انگ 21 ٿي ويو. ڪراچي جي مرڪزي ضلعي جي ڪچي آبادي ۾ هڪ ئي ڪٽنب جي ستن ماڻهن ۾ ڪورونا وائرس ظاهر ٿيو آهي. ڪٽنب جو اڳواڻ ٻاهران اهو وائرس کڻي گهر آيو هو. سڄي ڪٽنب سميت هڪ سال جي پٽ ۽ ڇهن سالن جي ڌيءَ ۾ ڪورونا وائرس جي تصديق ٿي آهي. وڏي وزير اپيل ڪندي چيو آهي ته ڪچي آبادي ۾ رهندڙ ڀينرن ۽ ڀائرن کي گذارش آهي ته راشن ۽ امداد ضرور وٺو پر ان سان گڏ ڪورونا وائرس گهر نه کڻي وڃجو، راشن ۽ امداد وٺڻ وقت هڪٻئي کان فاصلو اختيار ڪريو، هر ماڻهو ۽ اداري کي حفاظتي تدبيرن کي اختيار ڪرڻو پوندو