ڪراچي ۾ 4 ماڙ عمارت ڊهي پٽ ٿي وئي، 3 ڄڻا اجل جو شڪار

ڪراچي جي علائقي جعفر طيار سوسائٽِي ۾ صبح جو ساڍي ستين وڳي 30 سال پراڻي عمارت ڊهي پٽ ٿي وئي. جنهن سبب ڪيترن ئي ماڻهن جي دٻيل هجڻ جا اطلاع مليا آهن جڏهن ته هن وقت تائين  3 ڄڻن جا لاش  به ملي چڪا آهن. ٻئي طرف ٻه  زخمي اسپتال منتقل ڪيا ويا آهن.وزير اعليٰ سنڌ سيد مراد علي شاه عمارت ڪرڻ جو نوٽيس وٺندي معاملي جا تفصيل گهري ورتا آهن. ساڳئي وقت  هُن اختيارين کي چيو آهي ته اهي امدادي ڪاررواين مهل محتاط رهن ۽ انساني جانين کي ضايع ٿيڻ کان بچائين. ٻئي طرف  گورنر سنڌ به ڪراچي جي ڪمشنر کي  امدادي ڪم تيز ڪرڻ جون هدايتون جاري ڪري ڇڏيون آهن.