حيدرآباد ۾ ڪورونا وائرس جا وڌيڪ ٻه ڪيس ظاهر، انگ وڌي 158 ٿي ويو

حيدرآباد ۾ قاتل ڪورونا وائرس جا وڌيڪ 2 ڪيس پازيٽو اچي ويا آهن، جنهن جي انتظاميه تصديق ڪري ڇڏي آهي. هن وقت تائين حيدرآباد ۾ ڪورونا وائرس ڪيسن جو تعداد وڌي 158 تائين پهچي ويو آهي. جڏهن ته ڪوهسار اسپتال ۾ داخل وڌيڪ هڪ مريض جي حالت خراب ٿي وئي، جنهن کي سول اسپتال حيدرآباد ۾ آئيسوليشن وارڊ ۾ داخل ڪيو ويو آهي. ٻئي پاسي سول اسپتال، ڪوهسار اسپتال ۽ راجپوتانه اسپتال ۾ قائم ٿيل آئيسوليشن وارڊن ۾ ڪورونا جا مريض داخل آهن