پاپ ڪوئين نازيه حسن کي مداحن کان وڇڙندي 20 سال گذري ويا

پاڪستان ۾ موسيقي جي شعبي کي نئين جدت ڏيندڙ نازيه حسن کي هن فاني جهان مان وڇڙندي 20 سال گذري ويا. نازيه حسن 3 اپريل 1965ع تي ڪراچي ۾ پيدا ٿي، هن آمريڪن ڪاليج آف لنڊن ۾ گريجوئيشن ڪئي ۽ پي ٽي وي جي مشهور پروگرام “سنگ سنگ چلين” کان موسيقي جي دنيا ۾ پير پاتو. نازيه حسن پنهنجي ڀاءُ زوهيب سان گڏ مشرقي ۽ مغربي موسيقي جي ميلاپ سان گيت پيش ڪيا جيڪي اڄ به شائيقين جي موسيقي ۾ مقبول آهن. نازيه حسن جيڪو ڳايو سو ڪمال ڳايو. هن کي ۽ سندس ڀاءُ زوهيب حسن کي پاڪستان ۾ پاپ موسيقي جو باني چيو وڃي ٿو. ڀارتي فلم قرباني ۾ شامل ٿيل سندس گيت “آپ جيسا ڪوئي ميري زندگي ۾ آئي” نازيه حسن کي عالمگير شهرت ڏني.