وزير اعظم عمران خان بين الاقوامي پروازن لاءِ فضائي حدون کولڻ جو اعلان ڪيو آهي

پاڪستان لاءِ بين الاقوامي فضائي حدون پروازن لاءِ جزوي طور تي سڀاڻي کان کليل هونديون. وزير اعظم عمران خان بين الاقوامي پروازن لاءِ فضائي حدون کولڻ جو اعلان ڪيو آهي. سماجي رابطن واري ويب سائيٽ ٽوئيٽر تي جاري ڪيل پيغام ۾ وزيراعظم چيو ته پاڪستان جون هوائي حدون جزوي طور تي سڀاڻي کان بين الاقوامي پروازن لاءِ کليل هونديون. پنهنجي پيغام ۾ وزيراعظم عمران خان چيو ته عالمي اڏام لاءِ فضائي حدون کولڻ جو فيصلو خاص طور تي ٻاهرين پاڪستانين لاءِ ڪيو پيو وڃي جيڪي وڏي تعداد ۾ هن وبا کان متاثر ٿيا آهن. سمنڊ پار پاڪستانين کي خطاب ڪندي وزيراعظم چيو ته اهي توهان کي وطن واپس اچڻ تي ڀليڪار ڪن ٿا ۽ اسان جي حڪومت توهان کي هر ممڪن سهولت فراهم ڪندي.