وزيراعظم جي خصوصي معاون شهباز گل جي پ پ حڪومت تي ٻيٽن جي معاملن ۾ سخت تنقيد

وزيراعظم جي خاص مددگار شهباز گل چيو آهي ته سنڌ جي عوام کي خبر آ اصل نااهل ڪير آهي. پ پ چيئرمين بلاول ڀٽو زرداري جي پريس ڪانفرنس تي رد عمل ڏيندي شهباز گل چيو ته ڪيترن ئي ڏهاڪن کان سنڌ تي چور مڙهيل آهن، پ پ نااهل هجڻ سان گڏوگڏ ڪرپٽ به آهي. هن چيو وزيراعظم جو نظريو آهي ته پاڪستان ۾ سياحت کي هٿي ملي، ڀنڊار ٻيٽ جي معاملي کي سدائين سياست جي ور چاڙهيو ويو آهي، ڪورونا، ٻوڏ ۽ ڪراچي جي ڪچري سميت هر معاملي تي پ پ سياست ڪئي. سندس چوڻ هو ته پ پ قسم کنيو آهي ته ملڪي ترقي جو ڪم نه پاڻ ڪنداسين ۽ نه ٻين کي ڪرڻ ڏينداسين، پ پ جو ٻن سالن ۾ ملڪي مفاد لاءِ ڪنهن به قانون سازي ۾ ڪردار ٻڙي آهي.