حڪومت جو ڌيان ٻين معاملن تي هجڻ سبب دهشتگرد واقعا ٿي رهيا آهن: سراج الحق

جماعت اسلامي جي امير سينيٽر سراج الحق چيو آهي ته مدرسي تي حملو وڏو سانحو آهي، اهو حڪومت لاءِ ڳڻتيءَ جو وقت ۽ وڏو امتحان آهي. پشاور ۾ صحافين سان ڳالهائيندي سراج الحق چيو ته مدرسي ۾ 900 جي لڳ ڀڳ ٻار موجود هئا، حڪومت جو ڌيان ٻين معاملن تي آهي، تنهن ڪري اهڙا واقعا ٿي رهيا آهن. هن چيو ته ڀارتي حڪومت به مسلسل پاڪستان کي ڌمڪيون ڏئي رهي آهي، حڪومت کي امڪاني دهشتگردي جو اطلاع هو، پر افسوس حڪومت وقت تي قدم نه کڻي سگهي.