بلاول ڀٽو زرداري جو وزيراعليٰ سنڌ سان رابطو، برسات ۽ صوبي جي صورتحال تي ڳالهه ٻولهه

پ پ چيئرمين بلاول ڀٽو زرداري وزيراعليٰ سنڌ سان ٽيليفون ذريعي رابطو ڪيو آهي ۽ سڄي صوبي ۾ برسات جي صورتحال معلوم ڪئي. بلاول ڀٽو زرداري وزيراعليٰ کي برسات سبب حالتن کي ڪنٽرول ڪرڻ لاءِ هنگامي بنيادن تي ممڪن قدم کڻڻ جي هدايت ڪئي. ڳالهه ٻولهه ۾ بلاول ڀٽو زرداري چيو ته ڪراچي سميت صوبي جي ٻين حصن ۾ جاري طوفاني برسات 90 سالن کان وڌيڪ عرصي جو رڪارڊ ٽوڙي ڇڏيو. بلاول جو چوڻ هو ته سمورن اسٽيڪ هولڊرن کي اپيل آهي ته هن قدرتي آفت تي سياست ڪرڻ بدران حالتن کي بهتر بنائڻ ۾ ڪردار ادا ڪن.