وزير اعظم طرفان غير ملڪي ڪارون ٺاهڻ واري ڪمپني ووڪس ويگن کي ملڪ ۾ ڪارون ٺاهڻ تي ڀليڪار
وزير اعظم شاهد خاقان عباسي طرفان جرمني جي ڪار ٺاهيندڙ ڪمپني ووڪس ويگن جي پاڪستان ۾ ڪارون ٺاهڻ جي فيصلي کي ڀليڪار ڪيو. ان سان گڏ هن ڪمپني کي پوري طرح حڪومت جي سهڪار جو به يقين ڏياريو آهي. وزير اعظم ڪمپني جي نمائندي سان ملاقات ۾ هن کي ٻڌايو ته پاڪستان ۾ اهڙي قسم جي سيڙپڪاري جي لاءِ هڪ سازگار ماحول موجود آهي، جتي حڪومت پاران به سيڙپڪاري کي مڪمل پٺڀرائي فراهم ڪئي ويندي. هن اهو به چيو ته هن وقت ملڪ ۾ ملڪي توڙي پرڏيهي سيڙپڪارن لاءِ سٺو ماحول جڙيل آهي. امن ۽ امان جي صورتحال به اطمينان جوڳي آهي. ملڪ ۾ ڪافي عرصي کان ٽي جاپاني ڪار ٺاهيندڙ ڪمپنين جو راڄ هلي رهيو آهي. وزير اعظم اهو به چيو ته CPEC جي ڪري هن وقت ملڪ ۾ روڊن جو به سٺو ڄار وڇائجي چڪو آهي، جنهن کانپوءِ پاڪستان ۾ هڪ سٺو موقعو آهي ته ٻاهر جون هي ڪمپنيون پاڪستان ۾ اندر رهي ڪري ڪارون ٺاهين ۽ هتي پنهنجي ڪاروبار کي وڌائين. آخر ۾ وزيراعظم ان اميد جو به اظهار ڪيو ته هي ڪمپني پاڪستان ۾ بين الاقوامي معيار جون ڪارون آڻي بين الاقوامي معيار کي هٿي ڏياريندي.
هي مضمون ڪيئن رهيو؟
