پيپلز پارٽي 18 ترميم ۾ ڪنهن به تبديلي خلاف آواز اٿاريندي: بلاول

پيپلز پارٽي جي چيئرمين بلاول ڀٽو زرداري چيو آهي ته هن جي پارٽي آئين جي 18 ترميم ۾ ڪنهن به قسم جي تبديلي خلاف آواز اٿاريندي. هن ترميم کي پي پي  حڪومت  جي دور ۾ آندو ويو هيو ته جيئن صوبن کي انهن جو حق ڏنو وڃي. پر موجوده اسيمبلي ۾ ان خلا ف آواز اٿي رهيا آهن. پي ٽي آءِ جي حڪومت خلاف پنهنجي مخالفت جو آغاز ڪندي هن چيو ته  فيڊريشن کي غير جمهوري قوتن وٽ وڪامڻ نه ڏيندا سين. حڪومت جي اهڙي ڪنهن به قدم جي مخالفت ڪندا سين. سڀني آپوزيشن پارٽين بابت ڳالهائيندي هن چيو ته انهن سڀني کي پنهنجا اختلاف وساري هڪ ٿي وڃڻ گهرجي. جيئن سليڪشن ذريعي آيل حڪومت خلاف ڪم ڪري سگهجي.